DAVID MALISA AZINDUA MSIMU WA 5 WA HELLO MR RIGHT

 Na Beatrice Kaiza

MSIMU wa burudani na kwa kuzingatia hilo StarTime kupitia ST BONGO wamewaletea mashabiki wao msimu wa 5 wa Hello Mr Right.

Akizungumza na waandishi wa habari Novemba 28,2023 Jijini Dar es Salaam, Meneja Masoko wa Kampuni ya Startimes David Malisa amesema kuwa msimu huu wa burudani mashabiki wakae mkao wa kula kwani Startimes kupitia chaneli ya St Bongo wamewaletea msimu wa 5 wa Hello Mr Right.

“Leo ndio tunaizindua rasmi msimu 5 wa Hello Mr Right Show, kuna mengi makubwa tumeboresha na kuongeza ladha na burudani kwa kila mtazamaji, show hii itaruka kupitia chaneli ya ST Bongo kuanzia Jumamosi hii tarehe 02/12/2023 saa 3:00 usiku.

Pia aliongezea kuwa katika
yote haya bila kuwasahau watoto kwani huu ni msimu wao pia kwa kuwa shule zimefungwa.

“Tumeongeza chaneli ya Boing kwa ajili ya Watoto kuburudika wakiwa nyumbani chaneli hii inapatikana katika visimbuzi vyote cha Dishi ni namba 301 kifurushi cha Smart na Antena ni namba 354 kifurushi cha Mambo.

Kwa upande wa McGarab amesema kuwa “Ndani ya Msimu wa 5 wa Hello Mr Right Show kutakuwa na darasa kwa ajili ya couple ‘Dating Booth’ ambapo watakuwa wanapewa ushauri na nondo za mahusiano.

“Kaa kwa Kutulia kwa sababu kuna surprise nyingi ambazo tumeziweka ndani ya msimu wa 5 wa Hello Mr Right Show kutakuwa na elimu mbali mbali kuhusu afya, darasa kwa ajili ya mahusiano’Dating Booth’ ambapo watakuwa wanapewa ushauri na nondo za mahusiano.